हरिः ओम्

Sloka Text in Telugu , Kannada, Gujarati, Devanagari, English

ಸುಂದರಕಾಂಡ.
ಅಥ ವಿಂಶಸ್ಸರ್ಗಃ

ಸ ತಾಂ ಪರಿವೃತಾಮ್ ದೀನಾಂ ನಿರಾನನ್ದಾಂ ತಪಸ್ಸ್ವಿನೀಮ್|
ಸಾಕಾರೈರ್ಮಥುರೈರ್ವಾಕ್ಯೈಃ ನ್ಯದರ್ಶಯತ ರಾವಣಃ||1||

ಮಾಂ ದೃಷ್ಟ್ವಾ ನಾಗನಾಸೋರು ಗೂಹಮಾನ ಸ್ತನೋದರಮ್|
ಅದರ್ಶನಮಿವಾತ್ಮಾನಂ ಭಯಾನ್ನೇತುಂ ತ್ವ ಮಿಚ್ಚಸಿ||2||
ಕಾಮಯೇತ್ವಾಂ ವಿಶಾಲಾಕ್ಷೀ ಬಹುಮನ್ಯಸ್ವ ಮಾಂ ಪ್ರಿಯೇ|
ಸರ್ವಾಙ್ಗ ಗುಣ ಸಂಪನ್ನೇ ಸರ್ವಲೋಕಮನೋಹರೇ||3||
ನೇಹ ಕೇಚಿನ್ಮನುಷ್ಯಾ ವಾ ರಾಕ್ಷಸಾಃ ಕಾಮರೂಪಿಣಃ|
ವ್ಯಪಸರ್ಪತು ತೇ ಸೀತೇ ಭಯಂ ಮತ್ತಸ್ಸಮುತ್ಥಿತಮ್||4||్

ಸ್ವಧರ್ಮೋ ರಕ್ಷಸಾಂ ಭೀರು ಸರ್ವಥೈವ ನಸಂಶಯಃ|
ಗಮನಂ ವಾ ಪರಸ್ತ್ರೀಣಾಂ ಹರಣಂ ಸಂಪ್ರಮಧ್ಯ ವಾ||5||
ಏವಂ ಚೈತದಕಾಮಂ ತು ನ ತ್ವಾಂ ಸ್ಪ್ರಕ್ಷ್ಯಾಮಿ ಮೈಥಿಲಿ|
ಕಾಮಂ ಕಾಮಃ ಶರೀರೇ ಮೇ ಯಥಾ ಕಾಮಂ ಪ್ರವರ್ತತಾಮ್||6||
ದೇವೀ ನೇಹ ಭಯಂ ಕಾರ್ಯಂ ಮಯಿ ವಿಶ್ವಸಿಹಿ ಪ್ರಿಯೇ|
ಪ್ರಣಯಸ್ವ ಚ ತತ್ವೇನ ಮೈವಂ ಭೂಃ ಶೋಕಲಾಲಸಾ||7||

ಏಕವೇಣೀಧರಾಶಯ್ಯಾ ಧ್ಯಾನಂ ಮಲಿನ ಮಂಬರಮ್|
ಅಸ್ಥಾನೇಽಪ್ಯುಪವಾಸಶ್ಚ ನೈತಾ ನ್ಯೌಪಯಿಕಾನಿ ತೇ||8||
ವಿಚಿತ್ರಾಣಿ ಚ ಮಾಲ್ಯಾನಿ ಚನ್ದನಾನ್ಯಗರೂಣಿ ಚ|
ವಿವಿಧಾನಿ ಚ ವಾಸಾಂಸಿ ದಿವ್ಯಾನ್ಯಾಭರಣಾನಿಚ ||9||
ಮಹಾರ್ಹಾಣಿ ಚ ಪಾನಾನಿ ಶಯನಾನ್ಯಾಸನಾನಿ ಚ|
ಗೀತಂ ನೃತ್ತಂ ಚ ವಾದ್ಯಂಚ ಲಭ ಮಾಂ ಪ್ರಾಪ್ಯ ಮೈಥಿಲಿ||10||

ಸ್ತ್ರೀ ರತ್ನಮಸಿ ಮೈವಂ ಭೂಃ ಕುರು ಗಾತ್ರೇಷು ಭೂಷಣಂ|
ಮಾಂ ಪ್ರಾಪ್ಯ ಹಿ ಕಥಂ ನು ಸ್ಯಾತ್ ತ್ವಮನರ್ಹಾ ಸುವಿಗ್ರಹೇ||11||
ಇದಂ ತೇ ಚಾರು ಸಂಜಾತಂ ಯೌವನಂ ವ್ಯತಿವರ್ತತೇ|
ಯತ್ ಅತೀತಂ ಪುನರ್ನೈತಿ ಸ್ರೋತಃ ಶೀಘ್ರಮಪಾಮಿವ||12||
ತ್ವಾಂ ಕೃತ್ವೋಪರತೋ ಮನ್ಯೇ ರೂಪಕರ್ತಾ ಸ ವಿಶ್ವಸೃಕ್ |
ನ ಹಿ ರೂಪೋಪಮಾ ತ್ವನ್ಯಾ ತವಾಸ್ತಿ ಶುಭದರ್ಶನೇ||13||

ತ್ವಾಂ ಸಮಸಾದ್ಯ ವೈದೇಹೀ ರೂಪಯೌವನಶಾಲಿನೀಮ್|
ಕಃ ಪುಮಾ ನತಿವರ್ತೇತ ಸಾಕ್ಷಾ ದಪಿ ಪಿತಾಮಹಃ||14||
ಯದ್ಯತ್ ಪಶ್ಯಾಮಿ ತೇ ಗಾತ್ರಂ ಶೀತಾಂಶುಸದೃಶಾನನೇ|
ತಸ್ಮಿಂ ಸ್ತಸ್ಮಿನ್ ಪೃಥುಶ್ರೋಣೀ ಚಕ್ಷುರ್ಮಮ ನಿಬಧ್ಯತೇ||15||

ಭವ ಮೈಥಿಲಿ ಭಾರ್ಯಾ ಮೇ ಮೋಹ ಮೇನಂ ವಿಸರ್ಜಯ|
ಬಹ್ವಿನಾಂ ಉತ್ತಮಸ್ತ್ರೀಣಾಂ ಆಹೃತಾನಾಮ್ ಇತಃ ತತಃ||16||
ಸರ್ವಾಸಾಮೇವ ಭದ್ರಂತೇ ಮಮಾಗ್ರಮಹೀಷೀಭವ|
ಲೋಕೇಭ್ಯೋ ಯಾನಿ ರತ್ನಾನಿ ಸಂಪ್ರಮಥ್ಯಾಹೃತಾನಿ ವೈ||17||
ತಾನಿ ಮೇ ಭೀರು ಸರ್ವಾಣಿ ರಾಜ್ಯಂ ಚೈತದಹಂ ಚ ತೇ|

ವಿಜಿತ್ಯ ಪೃಥಿವೀಂ ಸರ್ವಾಂ ನಾನಾನಗರಮಾಲಿನೀಮ್||18||
ಜನಕಾಯ ಪ್ರದಾಸ್ಯಾಮಿ ತವ ಹೇತೋರ್ವಿಲಾಸಿನೀ|
ನೇಹ ಪಶ್ಯಾಮಿ ಲೋಕೇಽನ್ಯಂ ಯೋ ಮೇ ಪ್ರತಿಬಲೋ ಭವೇತ್ ||19||
ಪಶ್ಯಮೇ ಸುಮಹದ್ವೀರ್ಯಂ ಅಪ್ರತಿದ್ವನ್ದ್ವಮಾಹವೇ|

ಅಸಕೃತ್ ಸಂಯುಗೇ ಭಗ್ನಾ ಮಯಾ ವಿಮೃದಿತಧ್ವಜಾಃ||20||
ಅಶಕ್ತಾಃ ಪ್ರತ್ಯನೀಕೇಷು ಸ್ಥಾತುಂ ಮಮ ಸುರಾಸುರಾಃ|
ಇಚ್ಚಯಾ ಕ್ರಿಯತಾ ಮದ್ಯ ಪ್ರತಿಕರ್ಮ ತವೋತ್ತಮಮ್||21||
ಸಪ್ರಭಾಣ್ಯವಸಜ್ಯನ್ತಾಂ ತವಾಙ್ಗೇ ಭೂಷಣಾನಿಚ|
ಸಾಧು ಪಶ್ಯಾಮಿ ತೇ ರೂಪಂ ಸಂಯುಕ್ತಂ ಪ್ರತಿಕರ್ಮಣಾ||22||

ಪ್ರತಿಕರ್ಮಾಭಿ ಸಂಯುಕ್ತಾ ದಾಕ್ಷಿಣ್ಯೇನ ವರಾನನೇ|
ಭುಂಕ್ಷ್ವಭೋಗಾನ್ ಯಥಾಕಾಮಂ ಪಿಬ ಭೀರು ರಮಸ್ವ ಚ||23||
ಯಥೇಷ್ಟಂ ಚ ಪ್ರಯಚ್ಚ ತ್ವಂ ಪೃಥಿವೀಂ ವಾ ಧನಾನಿ ಚ|
ಲಲಸ್ವ ಮಯಿ ವಿಸ್ರಬ್ದಾ ಧೃಷ್ಟ ಮಾಜ್ಞಾಪಯಸ್ವ ಚ||24||
ಮತ್ಪ್ರಸಾದಾ ಲ್ಲಲನ್ತ್ಯಾಶ್ಚ ಲಲನ್ತಾಂ ಭಾನ್ಧವಾ ಸ್ತವ |
ಬುದ್ಧಿಂ ಮಾಮನುಪಶ್ಯ ತ್ವಂ ಶ್ರಿಯಂ ಭದ್ರೇ ಯಶಶ್ಚ ಮೇ||25||

ಕಿಂ ಕರಿಷ್ಯಸಿ ರಾಮೇಣ ಸುಭಗೇ ಚೀರವಾಸಸಾ|
ನಿಕ್ಷಿಪ್ತ ವಿಜಯೋ ರಾಮೋ ಗತಶ್ರೀಃ ವನಗೋಚರಃ||26||
ವ್ರತೀ ಸ್ಥಣ್ಡಿಲಶಾಯೀ ಚ ಶಙ್ಕೇ ಜೀವತಿ ವಾ ನ ವಾ|
ನ ಹಿ ವೈದೇಹಿ ರಾಮ ಸ್ತ್ವಾಂ ದ್ರಷ್ಟುಂ ವಾಪ್ಯುಪಲಪ್ಸ್ಯತೇ||27||
ಪುರೋ ಬಲಾಕೈ ರಸಿತೈಃ ಮೇಘೈಃ ಜ್ಯೋತ್ಸ್ನಾಮಿವಾವೃತಮ್|

ನ ಚಾಪಿ ಮಮ ಹಸ್ತಾ ತ್ತ್ವಾಮ್ ಪ್ರಾಪ್ತು ಮರ್ಹತಿ ರಾಘವಃ||28||
ಹಿರಣ್ಯಕಶಿಪುಃ ಕೀರ್ತಿಂ ಇಂದ್ರಹಸ್ತಗತಾಮಿವ|
ಚಾರುಸ್ಮಿತೇ ಚಾರುದತಿ ಚಾರುನೇತ್ರೇ ವಿಲಾಸಿನಿ|| 29||
ಮನೋಹರಸಿ ಮೇ ಭೀರು ಸುಪರ್ಣಃ ಪನ್ನಗಂ ಯಥಾ|

ಕ್ಲಿಷ್ಟ ಕೌಶೇಯವಸನಾಂ ತನ್ವೀ ಮಪ್ಯನಲಙ್ಕೃತಾಮ್||30||
ತಾಂ ದೃಷ್ಟ್ವಾ ಸ್ವೇಷು ದಾರೇಷು ರತಿಂ ನೋಪಲಭಾಮ್ಯಹಮ್|
ಅನ್ತಃಪುರ ನಿವಾಸಿನ್ಯಃ ಸ್ತ್ರಿಯಃ ಸರ್ವಗುಣಾನ್ವಿತಾಃ||31||
ಯಾವಂತ್ಯೋ ಮಮ ಸರ್ವಾಸಾಮ್ ಐಶ್ವ್ವರ್ಯಂ ಕುರು ಜಾನಕಿ|

ಮಮ ಹ್ಯಸಿತಕೇಶಾಂತೇ ತ್ರೈಲೋಕ್ಯಪ್ರವರಾ ಸ್ಸ್ತ್ರಿಯಃ||32||
ತಾಸ್ತ್ವಾಂ ಪರಿಚರಿಷ್ಯನ್ತಿ ಶ್ರಿಯ ಮಪ್ಸರಸೋ ಯಥಾ|
ಯಾನಿ ವೈಶ್ರವಣೇ ಸುಭ್ರು ರತ್ನಾನಿ ಧನಾನಿ ಚ||33||
ತಾನಿ ಲೋಕಾಂಶ್ಚ ಸುಶ್ರೋಣಿ ಮಾಂ ಚ ಭುಙ್‍ಕ್ಷ್ವ ಯಥಾ ಸುಖಮ್|
ನ ರಾಮಸ್ತಪಸಾ ದೇವಿ ನ ಬಲೇನ ನ ವಿಕ್ರಮೈಃ|
ನ ಧನೇನ ಮಯಾ ತುಲ್ಯಃ ತೇಜಸಾ ಯಶಸಾಽಪಿ ವಾ|34||

ಪಿಬ ವಿಹರ ರಮಸ್ವ ಭುಙ್‍ಕ್ಷ್ವ ಭೋಗಾನ್
ಧನನಿಚಯಂ ಪ್ರದಿಶಾಮಿ ಮೇದಿನೀಂ ಚ|
ಮಯಿ ಲಲ ಲಲನೇ ಯಥಾಸುಖಂ ತ್ವಂ
ತ್ವಯಿ ಚ ಸಮೇತ್ಯ ಲಲನ್ತು ಬಾನ್ಧವಾಸ್ತೇ || 35||

ಕುಸುಮಿತ ತರುಜಾಲ ಸಂತತಾನಿ
ಭ್ರಮರಯುತಾನಿ ಸಮುದ್ರತೀರಜಾನಿ|
ಕನಕ ವಿಮಲ ಹಾರಭೂಷಿತಾಙ್ಗಿ
ವಿಹರ ಮಯಾ ಸಹ ಭೀರು ಕಾನನಾನಿ||36||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ವಿಂಶಸ್ಸರ್ಗಃ||

||ಓಮ್ ತತ್ ಸತ್||

|| Om tat sat ||